अफगानिस्तानको काबुलमा रकेड आक्रमण, ८ को मृत्यु, ३१ घाइते

एजेन्सी, काबुल । अफगानिस्तानको राजधानीमा शनिबार भएको रकेट आक्रमणमा परी आठ जनाको ज्यान गएनको छ । अफगानिस्तानको राजधानी काबुलमा आतंककारी समूहले करिब २३ राउण्ड रकेट आक्रमण गरेको घटनामा परेर ८ जनाको मृत्यु भएको र अन्य ३१ जना घाइते भएको सरकारी अधिकारीहरूले बताएका हुन् ।

अफगानी गृह प्रशासनले आक्रमणमा तालिवान समूहको सम्लग्नता रहेको आरोप लगाएपनि आधिकारिक रुपमा तालिवान समूहले यसबारे मुख खोलेको छैन । गृहमन्त्रालयका प्रवक्ता तारिक एरियानले आक्रमण तालिवान समूहले गराएको सूचना सरकारले पाएको बताउँदै घाइते सबैलाई सरकारले उपचारको व्यवस्था गरेको जानकारी गराएका छन् । Photo By : REUTERS