परिवर्तनकारी नीति र नेतृत्वसहित पार्टी एकताबद्ध बन्छ : प्रदिप पौडेल

काठमाडौं । कांग्रेस नेता प्रदीप पौडेलले विशेष महाधिवेशनले स्पष्ट परिवर्तनकारी नीति र नेतृत्वसहित पार्टीलाई अझ एकताबद्ध बनाउने बताउनु भएको छ ।

बालुवाटारमा महाधिवेशन पक्षधर र सभापति शेरबहादुर देउवा, नेता शेखर पक्षका नेताबीच वार्ता भइरहदा उहाँले सामाजिक सञ्जाल फेसबुकमार्फत  यस्तो जानकारी दिनुभएको हो । महामन्त्री द्वय गगन थापा र विश्वप्रकाश शर्माले भृकुटिमण्डपमा विशेष महाधिवेशन गरिरहदा सभापति पक्षका नेताहरु अबैधानिक भनिरहेका छन् ।

विशेष महाधिवेशनबाट नयाँ नितीसँगै नेतृत्व समेत फेर्ने गृहकार्य भईरहदा कांग्रेसलाई फुटबाट बचाउनुपर्ने दबाब बढेको छ । विशेष महाधिवेशन पक्षका नेताहरुले नितीमा सुधार, एक्लै चुनाव लड्ने प्रतिबद्दतासहित चुनावमा सम्मानजनक टिकट बाँडफाडको प्याकेजमा सहमति खोजिरहेका छन् ।