नेपाल दोश्रो कार्यकालका लागि राष्ट्रसंघीय मानवअधिकार परिषदमा निर्वाचित

काठमाडौं । नेपाल पुनः राष्ट्रसंघीय मानवअधिकार परिषदमा निर्वाचित भएको छ । न्युयोर्कस्थित राष्ट्रसंघ मुख्यालयमा मंगलबार भएको निर्वाचनबाट नेपाल दोस्रो कार्यकालका लागि निर्वाचित भएको हो ।

२०२१–२०२३ का लागि निर्वाचित भएको नेपालले १ सय ५० मत पाएको थियो । नेपालको द्वन्द्वकालीन मुद्दामा पटक पटक राष्ट्रसंघमा आवाज उठिरहेको समयमा यो सदस्यता महत्वपूर्ण हुने आँकलन गरिएको छ । एशिया प्रशान्त क्षेत्रबाट नेपालसहित चीन, पाकिस्तान र उज्वेकिस्तान पनि परिषदमा निर्वाचित भएका छन् ।

परिषदमा कोटे डि आइभोरी, ग्याबोन, मलावी, सेनेगल, रुस, युक्रेन, बेलायत, बोलिभिया, क्युबा, मेक्सिको र फ्रान्स सदस्य बनेका छन् ।