फागुन २३ गते प्रतिनिधिसभाको अधिवेशन आह्वान गर्न राष्ट्रपतिसमक्ष सिफारिस

काठमाडौं । सरकारले प्रतिनिधिसभाको अधिवेशन फागुन २३ मा आह्वान गर्न राष्ट्रपति विद्यादेवी भण्डारीसमक्ष सिफारिस गरेको छ । प्रधानमन्त्रीको सरकारी निवास बालुवाटारमा शुक्रबार बसेको मन्त्रिपरिषद्को बैठकले सर्वोच्च अदालतको आदेश कार्यान्वयन गर्दै संसद अधिवेशन बोलाउन सिफारिस गर्ने निर्णय गरेको हो ।

फागुन ११ मा सर्वोच्च अदालतले संसद विघटन गर्ने निर्णय बदर गर्दै १३ दिनभित्र संसद अधिवेशन बोलाउन परामादेश जारी गरेको थियो । अदालतको फैशला अनुसार नै सरकारको सिफारिसमा राष्ट्रपतिले संसद अधिवेशन आह्वान गर्नुपर्ने सैबैधानिक व्यवस्था अनुसार बैठक बोलाउन सिफरिस गरिएको हो ।

अब राष्ट्रपतिले बैठक आह्वान गरेपछि पुर्नस्थापित प्रतिनिधिसभाको बैठक बस्नेछ । पहिलो बैठकमै प्रधानमन्त्री ओली विरुद्ध अविश्वासको प्रस्ताव पेस गर्ने तयारीमा नेकपाकै प्रचण्ड नेपाल समूह जुटेको छ ।