अन्तर्राष्ट्रिय श्रमिक महिला दिवस, श्रीमान बोकेर यसरी दौडिए महिलाहरु

काठमाडौं,तनहुँ । सोमबार नेपालसहित विश्वभर विभिन्न कार्यक्रमसहित एक सय एघारौँ अन्तर्राष्ट्रिय श्रमिक महिला दिवस मनाइएको छ । नेपालमा विभिन्न कार्यक्रमसहित दिवस मनाइदैगर्दा तनहुँका देवघाट गाउँपालिकाले भने भिन्न खाले कार्यक्रम गरेको छ ।

यहाँ श्रीमतीले श्रीमान् बोकेर दौडिने प्रतियोगिता सम्पन्न भएको छ । प्रतियोगितामा विष्णु अधिकारी र पदम अधिकारीको जोडी पहिलो, गङ्गा गुरुङ र नवीन गुरुङको जोडी दोस्रो तथा सीता लामिछाने क्षेत्री र बमबहादुर थापा क्षेत्रीको जोडी तृतीय भएको छ । प्रतियोगितामा १४ जोडी सहभागी भएका थिए । शारीरिक र मानसिक रूपमा महिला पनि पुरुषसरह हुन्छन् भन्ने सन्देश दिनका लागि यस्तो खालको प्रतियोगिताको आयोजना गरिएको गाउँपालिका अध्यक्ष दुर्गबहादुर थापाले जानकारी दिनुभएको छ ।

प्रतियोगिताका विजेतालाई शिल्ड र प्रमाणपत्र प्रदान गरेर प्रोत्साहन गरिएपनि यो दौड प्रतियोगिताले महिलाको क्षमता अभिबृद्धी उनीहरुलाई समान अधिकारका लागि नभई केबल मनोरञ्जन मात्रै दिएको कतिपयको बुझाई छ । श्रीमान बोकेर दौडिएका महिलाहरुको शाहस र हिम्मतले एउटा सन्देष प्रवाह गरिरहँदा वरिपरि बस्नेहरुले होहल्लासहित हुटिङ गरेर मनोरञ्जन लिएका थिए ।