जापानमा एक नेपाली युवाको निधन

फुकोउका । जापानमा वस्दैआएका एक नेपाली युवाको निधन भएको छ । जापानको तोचिगी केन ओयामा सहरमा बस्दै आएका विष्णु प्रसाद पाण्डेको शनिबार बिहान उपचारका क्रममा निधन भएको हो ।

केही समययता अस्वस्थ रहँदै आएका पाण्डेलाई एक्कासी टाउको दुख्ने समस्या भएपछि अस्पताल भर्ना गरिएको थियो। शनिबार बिहान उपचारकै क्रममा उनको मृत्यु भएको बताइएको छ । कुक पेशामा आबद्ध पाण्डे श्रीमती र छोरीसँग जापानमा बस्दै आएका थिए । जापानमा रहेका आफन्तले पाण्डेको दाहसंस्कार आइतबार तोचिगी जापानमा गरिने जानकारी दिएका छन् ।