क्रिकेटर सन्दीपको पुनरावेदन मुद्दामा आजदेखी बहस सुरू, कहिले आउला फैसला ?

काठमाडौं । क्रिकेटर सन्दीप लामिछानेको पुनरावेदन मुद्दामा उच्च अदालत पाटनमा आजदेखी बहस सुरू भएको छ । दुई नम्बर इजलासमा न्यायाधीशद्वय सुदर्शनदेव भट्ट र अञ्जु उप्रेतीले सन्दीपको जिल्ला अदालत काठमाडौंको फैसलाविरुद्ध तायर गरेको पुनरावेदन रिटमा सुनवाइ थाल्नुभएको हो ।

सन्दीपको मुद्दालाई यसअघिको अदालती आदेसका कारण अग्राधिकार दिएर एक नम्बर पालोमा राखिएको थियो । उच्च अदालतका उपरजिष्ट्रार एवम् प्रवक्ता तीर्थराज भट्टराईले मुद्दामा न्यायाधीशले कुनै आदेश नदिएमा एक, दुई दिनमै फैसला आउन सक्नेगरि बहस सुरु भएको बताउनुभयो । बारम्बार पेसी तोकेर समेत सुनुवाई नभएको क्रिकेटर सन्दीपको मुद्धामाथी न्यायाधीशले हिम्मत गर्न नसकेको भन्दै बहस भैरहेको छ । अब सुरु भएको बहसले भने छिट्टै अदालबाट मुद्धाले छिनोफानो पाउने आशा गरिएको छ ।

बहसको सुरूमा सरकारी वकिलहरुले बहस गरिरहेका छन् । सरकारी वकिलको तर्फबाट बहस सकिएपछि सन्दीपका वकिलहरूले बहसमा भाग लिने बताइएको छ । अग्राधिकार दिइएको मुद्धामा निरन्तर सुनुवाइ भएमा बिहिबारसम्म अन्तिम पैसला आउनसक्नेछ ।