‘डार्विन हार्ट्स फुटबल क्लब’ अष्ट्रेलिया कप २०२४ को राउन्ड अफ ३२ मा, नेपाली खेलाडीको उत्कृष्ट प्रदर्शन

ब्रिजबेन । नेपाली मुलका युवा खेलाडी रहेको डार्विन हार्ट्स फुटबल क्लब नर्दन टेरिटोरीमा जारी अष्ट्रेलिया कप २०२४ को राउन्ड अफ ३२ मा पुगेको छ । अष्ट्रेलियाली खेलकुदको सबैभन्दा ठूलो प्रतियोगिता अस्ट्रेलिया कप २०२४ मा नेपाली मुलको नेतृत्वसहितको डार्विन हार्ट्स फुटबल क्लब ७ सय ७५ क्लबहरुसँगको प्रतिस्पर्धाबाट अन्तिम ३२ मा सुरक्षित हुन सफल भएको हो ।

नेपाली खेलाडी र नेतृत्वमा आधारित डार्विन हार्ट्स फुटबल क्लब “डार्विन ओलम्पिक खेलकुद क्ल” लाई ३–१ ले हराएर फाइनलमा स्थान बनाउँदै उत्तरी च्याम्पियन बनेको क्लबका सदस्य धु्रब कार्कीले नेपालट्युबलाई जानकारि दिनुभयो । अब राउन्ड अफ ३२ को लागि स्थान सुरक्षित भएको क्लबले बाँकी टिमसँग समेत उत्कृष्ठ खेल पस्किने विश्वास गरिएको छ ।

क्लब सदस्य कार्कीले अष्ट्रेलिया वा विश्वका अन्य नेपाली क्लबहरूले राष्ट्रिय लिगमा प्राप्त गरेको यो उपलब्धी सम्भवत पहिलो भएको बताउनुभएको छ । सबै खेलाडी, समर्थक र नेपाली परिवारलाई साथ सहयोगका लागि क्लबले धन्यवाद दिदै खेलाडीलाई थप उर्जासहित मैदान उत्रिन हौसला दिएको छ ।