अमेरिकाको टेक्ससमा गोली प्रहार, एक नेपाली युवाको निधन !

काठमाडौं । अमेरिकाको टेक्सस राज्यमा गोली प्रहारबाट एक जना नेपाली युवाको निधन भएको छ । ग्यास स्टेसनमा काम गरिरहेको अवस्थामा बन्दुकधारीको समूहबाट रुकुम बाफीकोटका ३० वर्षका दीपक ओलीको हत्या भएको स्थानीय सुरक्षा अधिकारिले जानकारि दिएका हुन ।

टेक्ससको वाको सहर नजिकै हाइवे ३५ मा रहेको एक ग्यास स्टेसनमा काम गर्ने वलीको हत्या घटनाबारे छानबिन गरिरहेको प्रहरीले जानकारि दिएको छ । यो घटना सोमबार बिहान ५ः२० बजे भएको, घटनाको समयमा बन्दुक बोकेर दुई पुरुष ग्यास स्टेसनमा आएको सीसीटीभी फुटेज पहिचान भएको प्रहरी श्रोतले जनाएको छ ।

काउन्टरमा उभिरहेका वली भाग्न खोजेपनि गोलीबाट बच्न नसकेको प्रहरीले जानकारि गराएको छ । श्रीमती र ५ वर्षकी छोरी रहेका वलीको हत्या घटना बारे परिवारलाई जानकारी गराइएको पनि प्रहरीले बताएको छ ।