मनास्लु बेसक्याम्पमा युवाको आमरण अनशन
जलवायु परिवर्तनका कारण नेपालका हिमताल जोखिममा परेको भन्दै गोरखाको चुमनुब्री गाउँपालिका-१ सामागाउँका युवाले मनास्लु बेसक्याम्पमा आमरण अनशन सुरु गरेका छन्।
धावा नुर्व लामाको नेतृत्वमा युवाहरूले हिमाली तथा तल्लो भेगका बासिन्दाको जीवन रक्षाका लागि हिमतालको जोखिम न्यूनीकरण गर्नुपर्ने माग राखेका छन्।
उनीहरूले हिमताल र हिमनदीको नियमित निगरानी, पानीको सतह मापन तथा जोखिम बढेमा पूर्वसूचना दिने प्रणाली स्थापना गर्न सरकारसँग माग गरेका छन्।
अनशनमार्फत नेपाल सरकार र विश्व समुदायको ध्यानाकर्षण गराउने उनीहरूको उद्देश्य छ।
शेयर:
प्रतिक्रिया दिनुहोस
टिप्पणीहरू लोड हुँदैछ…
