रवि पक्राउले देशभर तरंग,कानुन कार्यान्वयन कि राजनीतिक प्रतिशोध ?

काठमाडौं । रास्वपा सभापति रवि लामिछाने पक्राउलाई यतिबेला राजनीतिक प्रतिशोध कि कानुन कार्यान्वयन भन्ने दुई धारबाट विभिन्न विश्लेषण भैरहेका छन् । सरकारले सहकारी सम्वन्धि गठित संसदीय छानबिन विशेष समितिको प्रतिवेदन कार्यान्वयनको चरण भनिरहदा सिंगो रास्वपा पंक्ति राजनीतिक प्रतिशोध भनिरहेको छ ।

यता, सरकारका प्रवक्ता समेत रहनुभएका सुचना प्रविधि तथा सञ्चारमन्त्री पृथ्वी सुब्बा गुरुङले रास्वपाको विरोध प्रदर्शनको कुनै अर्थ नहुने बताउनुभएको छ । उहाँले संसदीय छानबिन समितिको प्रतिवेदन कार्यान्वयनमा सरकार अघि बढेको, यो टेलर मात्रै भएको बताउनुभएको छ ।  सरकारको तर्फबाट संसदीय समितिले दिएको प्रतिवेदन कार्यान्वयनका क्रममा रास्वपा सभापति रवि पक्राउ परेको दाबी गर्दैगर्दा प्रहरी हिरासतमा रहेका रविसहित रास्वपा नेताहरु राजनीतिक प्रतिशोध भनिरहेका छन् ।  देशभर सरकारविरुद्ध आन्दोलन गर्ने उद्घोष रास्वपा नेताहरुको छ ।

नागरिकस्तरमा समेत सहकारी ठगीको आरोपमा अनुसन्धान हुनुपर्छ भन्ने पक्षमा र राजनीतिक वेइमानी भएको, प्रतिशोध राखिएको भन्दै सरकारको विपक्षमा टिकाटिप्पणी भैरहेका छन् ।