संसारकै लामो जात्रा रातो मच्छिन्द्रनाथको रथजात्रा रोकियो

काठमाडौं– लकडाउनका कारण संसारभरकै लामो जात्रा मानिने रातो मच्छिन्द्रनाथको रथजात्रा रोकिएको छ । ललितपुरको पुल्चोकमा रथ निर्माणकार्य सकिएपनि कोरोना संक्रमणका कारण रथारोहण रोकिएको हो ।

पुजारीले अर्को साइतमा नजुराएसम्म रथारोहण हुनेछैन । बुधबार गुठी संस्थान कार्यालय ललितपुरले विज्ञप्ती जारी गर्दै रथारोहण अर्काे साइतमा हुने जानकारी दिएको हो । वर्षा र सहकालका रुपमा मनाईने यो जात्रा ज्यादै प्रसिद्ध र १५ सय वर्ष पुरानो रहेको किंवदन्ती छ ।कोरोना भाइरसका कारण विस्केट जात्रा, सेतो मच्छीन्द्रनाथ जात्रा, घोडेजात्रा लगायतउपत्यकाका चर्चित जात्रा पर्वहरु यो वर्ष प्रभावित बनेका छन् ।