हिमलुङ हिमपहिरोमा थप दुई शव भेटिए, मृतकको संख्या ४ पुग्यो

मनाङस्थित हिमलुङ हिमालमा गएको हिमपहिरोमा परी बेपत्ता भएकामध्ये थप दुई जनाको शव फेला परेको छ।

नेपाल नेसनल माउन्टेन गाइड एसोसिएसन (एनएनएमजीए) का अनुसार उद्धार टोलीले सोमबार वीरेन्द्र गुरुङ र घनश्याम राईको शव फेला पारेको हो।

यसअघि आइतबार छवि भोटे र पासाङ भोटेको शव फेला परेको थियो। थप दुई शव भेटिएसँगै हिमपहिरोमा मृत्यु हुनेको संख्या चार पुगेको छ।

एनएनएमजीएले अझै बेपत्ता रहेका व्यक्तिहरूको खोजी तथा उद्धार कार्य जारी रहेको जनाएको छ।