अक्टोबर ३० बाट मेलवर्न युनाइट कप सुरु हुँदै, कस्तो रहँला नेपाली टिम ‘द हिमालय टाइगर्स’ को खेल ?

अष्ट्रेलिया । अक्टोबर ३० बाट सुरु हुने मेलवर्न युनाइट कप २०२२ मा नेपाली खेलाडी रहेको टिम ‘द हिमालय टाइगर्स’ ले सहभागिता जनाउने भएको छ । मेलबर्न चाइनिज सकर एशोसिएशन (एमसीएसए ) ले आयोजन गर्ने यो सबैभन्दा ठूलो फुटबल प्रतियोगितामा एकमात्र नेपाली टिमका रुपमा द हिमालयन टाइगर्सको सहभागिदा रहदैआएको छ ।

अक्टोबर ३० बाट सुरु हुने टुनामेन्टमा २४ देशबाट २४ वटै टिमले सहभागिता जनाउँदैछन् । नेपाली टिम ‘द हिमालय टाइगर्स’ रहेको समूह बीमा अष्ट्रेलिया, चाइना, सोमालिया, सिरिया र मलेसिया रहेका छन् । अष्ट्रेलियामा रहेका नेपालीहरुले स्थापित गराएको मेलबर्नस्थित ‘द हिमालय टाइगर्स’ ले पहिलो खेलका रुपमा चिनसँग प्रतिस्पर्धा गर्ने छ । यो खेल अक्टोबर ३० मा हुनेछ ।

यो वर्षको लिगमा विगतका सहभागितामा गरेका कमजोरी सुधार गर्दै फाइनल यात्राको लक्ष्यसहित ‘द हिमालय टाइगर्स’ मैदान उत्रिन लागेको क्लबका सचिव विमल गुरुङजे जानकारि दिनुभयो । अघिल्लो वर्षको लिग टुनामेन्टमा समेत ‘द हिमालय टाइगर्स’ ले सहभागिता जनाउदै लोभलाग्दो खेल प्रदर्शन गरेको थियो ।