कर छली र कोभिड सहायत रकम बदमासी आरोपमा ट्याक्स एजेण्ट पक्राउ

सिड्नी/ ६ लाख डलर भन्दा बढी रकम करछली गरेको भन्दै न्यु साउथ वेल्स राज्यको ग्रिनपोइन्टमा एक जना ट्याक्स एजेण्ट समातिएका छन् । न्युसाउथ वेल्स प्रहरीको फानान्सीयल क्राइम स्क्वाडले ती एजेण्टको घर र कार्यलयमा छापा मारी कागजपत्र र कम्युटर जफत गरि थप अनुसन्धान गरिरहेको विज्ञप्तीमा जनाएको छ ।

५४ वर्षिय ती ट्याक्स एजेण्टलाई जानाजान छलगरी आर्थिक लाभ लिएको आरोपमा प्रहरीले मुद्धा चलाएको छ । यी ट्याक्स एजेण्टले आफ्नो ग्राहकलाई थाहा नै नदिई नक्कली कागजात पेश गरि कर विवरण भरेर आर्थिक फाइदा लिएको प्रहरीको आरोप छ । त्यस्तै उनले आफ्ना ग्राहकको नाममा नक्कली कागजात पेश गरेर कोभिड जब किपर योजना अन्तगर्त पैसा लिएको समेत प्रहरी आरोप छ । शुक्रबार स्थानिय अदालतमा यस विषयमा सुनुवाई हुदैछ ।