विदेशमा नेपाली शान, ब्रिजबेनमा कुमारी रथ, नाचसँगै नेपाली झण्डा फरर ! (फोटो डायरी)

ब्रिजबेन, अष्ट्रेलिया । नेपाली भाषा, कला, संस्कृति, भेषभूषाको जगेर्ना र प्रचारप्रसार गर्ने उद्देश्यले नेपाल फेस्टिभल ब्रिजबेन भब्य रुपमा सुरु भएको छ । नेपालली समूदाय मार्फत नेपालको पर्यटन क्षेत्रमा टेवा पुर्याउने उद्देश्य समेत राखिएको फेष्टिभलको अष्ट्रेलियाका लागि नेपाली राजदूत कैलाशराज पोखरेलले पानसमा बत्ती बालेर उद्घाटन गर्नुभएको हो ।

औपाचारिक कार्यक्रममा क्वीन्सल्याण्डका डेप्युटी प्रिमियर स्टेभन माईल्ससँगै अन्य राजनीतिक नेतृत्व र स्थानीय नेताहरुको सहभागीता रहेको छ । आ–आफ्नो भेषभुषामा सजिएका नेपालीले अहिले किंग जर्ज स्क्वाएर नेपालमय बनेको छ ।

नेपालका विभिन्न जाति जाति र समूदायको भेषभूषा लगाएर नेपाली समूदाय सहभागी भएको फेस्टिभलमा सिंगो नेपाल झल्किएको छ ।

औपचारिक कार्यक्रम अघिको परेडमा लाखे नाच, झाँक्री नाच समेत समावेश गरिएको थियो । पहिलो पटक कुमारीको रथयात्रा पनि परेडमा सहभागि गराइएको छ । यसअघि कुमारीलाई समावेश गरिएपछि रथमा राखेरै घुमाइएको अष्ट्रेलियामै पहिलो पटक हो ।

एनआरएन क्वीन्सल्याण्डका राज्य संयोजक विनोदभक्त आचार्यले १० हजारको सहभागिता हुने अपेक्षा गरिएको नेपाल फेष्टिभलको मुख्य उद्देश्य यहाँ रहेका नेपालीहरुको एकता र नेपालको प्रबद्र्धन नै मुख्य रहेको बताउनुभयो ।

नेपाल फेष्टिभलमा एनआरएन आईसीसीका अध्यक्ष बद्री केसी, उपाध्यक्ष दुर्गा आचार्य, धर्मराज अधिकारी, सचिव होम पाण्डे, ओसेनिया क्षेत्रीय संयोजक दिनेश जोशी, एनआरएन अष्ट्रेलियाका अध्यक्ष नन्द गुरुंग, एन्जाका अध्यक्ष चिरञ्जीवी देवकोटा लगायतको सहभागीता रहेको छ । एनआरएनले क्वीन्सल्याण्डका विभिन्न सामूदायिक संघसंस्थासँगको सहकार्यमा नेपाल फेष्टिभललाई भब्य रुपमा आयोजना गरेको छ । यो फेस्टिभलमा ८ बजेसम्म नै विभिन्न सांस्कृतिक कार्यक्रमहरु हुनेछन् ।