प्रधानमन्त्री प्रचण्डले गरे राष्ट्रपतिसँग भेटवार्ता, संसदको गतिरोधबारे चासो व्यक्त

काठमाडौं । प्रधानमन्त्री पुष्पकमल दाहाल प्रचण्डले राष्ट्रपति रामचन्द्र पौडेलसँग भेटवार्ता गर्नुभएको छ । शुक्रबार राष्ट्रपति रामचन्द्र पौडेललाई भेट्न प्रधानमन्त्री प्रचण्ड शीतल निवास पुग्नुभएको हो ।

भेटमा संसद्को गतिरोध र सरकारले ल्याउन लागेको बजेटको तयारीलगायत विषयमा प्रधानमन्त्री प्रचण्डले राष्ट्रपतिलाई जानकारी गराएको बताइएको छ । राष्ट्रपतिको कार्यालयका अनुसार भेटका क्रममा राष्ट्रपति पौडेलले संसदको गतिरोधबारे चासो र चिन्ता व्यक्त गर्नुभएको छ । भेटमा प्रधानमन्त्री दाहालले आफू समस्या समाधानको पक्षमा रहेको बताउँदै संसदमा जारी गतिरोध अन्त्यका लागि पहल गरिरहेको बताउनुभएको थियो ।