नेपाली नयाँ वर्षमा प्रधानमन्त्री मोरिसनको शुभकामना- नेपालीहरु शक्तिको स्रोत हुन्

क्यानबेरा

नेपाली नयाँ वर्षको उपलक्ष्यमा अष्ट्रेलियाका प्रधानमन्त्री स्कट मोरिसनले शुभकामना दिनुभएको छ । प्रधानमन्त्री कार्यालयद्वारा विज्ञप्ती जारी गर्दै प्रधानमन्त्री मोरिसनले बिक्रम संवत २०७८ सालको शुभकामना दिनुभएको हो । शुभकामना सन्देशमा भनिएको छ-‘नयाँ वर्ष विगतलाई सम्झिएर भविष्यका लागि आशा बाड्ने अवसर पनि हो’ ।

प्रधानमन्त्री मोरिसनले यहाँको नेपाली समुदायलाई युवा र जोश जागरले भरिपुर्ण भएको भन्दै अझै धेरै कुरा गर्न बाँकी रहेको बताउनुभएको हो ।

प्रधानमन्त्री मोरिसनले कोभिड महामारीका बेलामा बहुसांस्कृतिक समुदायले नेतृत्वदायी भुमिका खेलेको तथा अष्ट्रेलियाको शक्ति स्रोत समेत बनेको उल्लेख गर्दै त्यहाँ नेपालीमुलका अष्ट्रेलियनहरुको पनि महत्वपुर्ण भुमिका रहेको बताउनुभएको हो ।
नेपालीहरुको संख्या बढेसंगै नयाँ वर्ष, दशै तिहार जस्ता महत्वपुर्ण अवसरमा अष्ट्रेलियाका मन्त्री, सांसद तथा राजनीतिककर्मीले शुभकामना दिने चलन सुरु भएको छ ।
प्रधानमन्त्री मोरिसनद्वारा जारी शुभकामना यस्तो छ ।