अष्ट्रेलियाको डार्बिनमा अर्को एक नेपाली युवकको निधन

डार्बिन/ नर्दन टेरिटोरी राज्यको डार्बिनमा एक साता नबित्दै अर्को एक नेपाली युवकको ज्यान गएको छ । केही दिन अघि सडक दुर्घटनामा २२ वर्षिय समिर मानन्धरको ज्यान गएको थियो ।
गैरआवासिय नेपाली संघ नर्दन टेरिटोरीका संयोजक विष्णु चापागाईका अनुसार शनिवार डार्बिनमा एक नेपाली युवक आफ्नै घरमा मृत भेटिएका हुन् ।

प्रहरीले घटनाको छानविन गरिरहेको छ । हामीलाई प्राप्त जानकारी अनुसार घटनामा अन्य व्यक्तिको संलग्नता देखिदैन । प्रहरीले पनि यो घटनालाई शंकास्पद रुपमा लिएर अनुसन्धान नगरेको बुझिएको छ । टिआर भिषामा रहेका ती युवक श्रीमतिसंग बस्थे भने एक छोरा नेपालमै छन् । मृतकको परिवारसंग छलफल गरेर कसरी सहयोग गर्ने भन्ने निर्णय गरिने चापागाईले जानकारी दिनुभयो ।