क्रिकेटर सन्दीपले टी–२० विश्वकप खेल्ने निश्चित

आईसीसीको निर्णयसँगै क्यानले सन्दीपलाई अमेरिका पठाउने तयारी गरेको छ । यसअघि नै टी–२० विश्वकप क्रिकेटका लागि नेपालले रोहित पौडेलको कप्तानीमा १५ सदस्यीय टोली पठाइसकेको छ । अब यो टोलीका एक सदस्यलाई सन्दिपले प्रतिस्थापन गर्नेछन । सन्दिपले सफाइ पाएसँगै तीनजना बलरहरू ‘डेन्जर जोन’ मा रहेको चर्चा चलिरहेको छ । धेरैले सागर ढकालको ठाउँमा सन्दीपलाई राखिने अड्कल गरिरहदा सागरलाई यावत राखेर फास्टबलरमा प्रतिश जिसी र कमलसिंह ऐरीमध्ये एक जना बाहिरिने आँकलन समेत भैरहेको छ । यसको निर्णय भने क्यानले गर्नेछ ।