सुनसरी घटनामा प्रधानमन्त्री बालेनको सम्बोधन- संयम र सहिष्णुता अपनाउन आह्वान
प्रधानमन्त्री बालेन्द्र (बालेन) शाहले सुनसरीसहित देशका विभिन्न स्थानमा भएका हिंसात्मक घटनाप्रति गम्भीर चिन्ता व्यक्त गर्दै घटनाको निष्पक्ष छानबिन गरी दोषीमाथि कानुनबमोजिम कडा कारबाही गरिने बताएका छन्।
बिहीबार राष्ट्रका नाममा सम्बोधन गर्दै उनले सामाजिक सद्भाव, राष्ट्रिय एकता र विधिको शासन कायम राख्न सबै पक्षलाई संयम अपनाउन आग्रह गरे।
प्रधानमन्त्री शाहले नागरिकलाई अफवाह र उत्तेजनाबाट टाढा रहन आग्रह गर्दै सामाजिक सद्भाव, सहिष्णुता र राष्ट्रिय एकता कायम राख्न सबै राजनीतिक दल, समुदाय र नागरिकलाई आह्वान गरे।
उनले सरकारले शान्ति-सुरक्षा कायम गर्न आवश्यक सबै कदम चालिरहेको र संवेदनशील क्षेत्रमा सुरक्षा सतर्कता बढाइएको जानकारी दिए।
उनले हिंसाबाट प्रभावित परिवारप्रति समवेदना व्यक्त गर्दै घाइतेहरूको उपचारमा सरकारले आवश्यक सहयोग गर्ने बताए।
साथै, कानुन हातमा लिने वा सामाजिक सद्भाव बिथोल्ने कुनै पनि गतिविधि स्वीकार्य नहुने चेतावनी दिँदै सरकारले विधिको शासन र संविधानअनुसार अघि बढ्ने प्रतिबद्धता दोहोर्याए।
प्रतिक्रिया दिनुहोस
टिप्पणीहरू लोड हुँदैछ…
